Home >Informieren >Alemannisch >Alemannisch-Texte1
Im Ufwind - von Wendelinus Wurth sig d regional Sprooch, meldet de Professor Dieter Stellmacher vun de Internationale Gesellschaft für Dialektologie des Deutschen (im Internet unter http://www.igdd.gwdg.de , wu sich grad vor er Woch in Marburg mit andre Wisseschaftler troffe het, un meint demit de Dialekt. D regional Sprooch sig nimm "stigmatisiert" und tät e Gegepol zue unsre normierte Welt bilde. Im Bayrische un Fränkische - wene wundert s? - solle d Dialekt sogar d Hoochsprooch zruckdränge, heißt s in re Pressemitteilung vun dere Gsellschaft. Die, wu sich mi m Dialekt befasse, hän schu länger druf gwart, aß so ebbis passiert. Denn je meh Angscht d Lit devor hän, ass de Globalismus si uffrisst, deschto meh ziehge si sich zruck dert hi, wu si sich uskenne - d Heimet, d Muettersprooch. Dert isch mr noch deheim, kennt sich us un brucht nit eso vil Angscht ha. Do passt guet dezue, ass disletscht Lehrer us em Schwowe- un em Alemanneland sich troffe hän ge zämmetrage, was es schu git un was mr mache kinnt im Unterricht fir de Dialekt. D Badisch Zitung het die Pressemitteilung au kriegt - awer nit abdruckt, sovil i weiß. Am stärikschte sige d Dialekt noch bi uns am untre End vun de Republik, het de Herr Stellmacher rusgfunde. Un er meint sogar, ass in de Schwätzkabuffs (Chatrooms) de Dialekt e großi Roll, tät spile. Alla! Do passt guet ni, ass Zell im Wiesetal e Mundartwettbewerb fir die usgschriiwe het, wu no nit 35 Johr alt sin. Mr kaan Gedichter (bis zue sechs Stick), Prosa (nit meh wie vier DIN A4-Site), bis zue drej Lieder uf Papier oder Cassette oder Spiler (nit meh wie zeh Site DIN A4) ischicke. D Biträg sote anonym igschickt werre, mi m e Kuveer debi mi m selwe Kennwort druf wie uf em Bitrag. Im Kuveer sote Name, Adress un Geburtstaa agä sii. De erscht Priis sin 500 Euro. Bis Ende März ka-mr noch mitmache. Also schicke ejri Sache schnell an d Stadt Zell, Gerhard-Jung-Wettbewerb, Rathaus, 79669 Zell im Wiesental. Wendelinus Wurth, BZ vom 15.3.2003
"D Zit rennt", Aus dem Buch "Wo isch d Sproch?". mehr
So en Johreswexel isch ä merkwürdige Sach - Walter Fröhlich So en Johreswexel isch ä merkwürdige Sach, vorausgsetzt, mer hot ä klei weng de Ziit, zum driber Nochdenke. Mer kunnt aber vunim selber mol ine Alter, womer nume so eig-schpannt isch, wie womer no jünger war und do hot mer denn Ziit. S isch nadierlich it eso, dass mer etz de ganz Tag umenandhockt und sine Gedanke nochhanget, aber wer ime fort-gschrittene Alter it emol so vill Zeit findet, dass er bim Johreswexel emol weng driber nochdenkt, wa all’s so gloffe isch und wie’s früener gloffe isch, der isch selber Schuld, dem ka me nume helfe. Mer merkt bi sonere Betrachtung vor allem, dass s Hirn etz uf ganz andere Sache eigschtellt isch, wie früener. I ka mi no guet erinnere, dass Sylveschter fir mi als Bue uf nix anders fixiert gsi isch, als uf des wa glepft. Zunere Mark hot’s bi uns nie glangt, hekschtens zu ä paar Fimferle oder Zehnerle und die große Rakete hond mir nu känne im Schaufenschter aaluege. Nei bi uns hot mer känne auswähle vu Käpsele, Hundspfropfe, Schweizerkracher, Schwärmer oder Heuler und de Gipfel, fir unsereiner kaum erreichbar, des war denn de Kanoneschlag, aber der hot fufzg Pfennig koscht. Wer aber im Besitz vu fufzg Pfennig war, der hot doch sei Vermöge it uf on »Schlag« gsetzt, wo doch en Schweizerkracher nu fimf Pfennig koscht hot und en Schwärmer hekschtens zeh Pfennig. S isch denn die Zeit kumme, wo’s vill lauter um om rum glepft hot und wenn’s wieder rum war, isch mer froh gsi, dass mer no bi de sellene war, wo no glebt hond. Do war denn nume s Glepfe im Kopf, sondern s Iberläbe. Mer isch denn wieder hom kumme und a Sylveschter hot’s in Gedanke nume glepft, sondern »knallt«, weil mer ver-knallt war und so ä junge Liebe duet im Kopf lauter als en Kanoneschlag. I woß no guet, wie mer uns am Händle ghebt hond, wo mer z Nacht um zwelfe am Rhein entlang gloffe sind und hond de Glocke zuegloset, wo s Neujohr eiglitte hond. Ha jo und denn sind d Kinder kumme und kaum wared se do, sind se glei weng größer gsi und hond a Sylveschter au ebbes zum Glepfe welle. Wa de Vadder aber us de Fabrik hombrocht hot, des hot it au no zum Glepfe glanget, drum ischer zum Musig mache gange, de Babbe, und des johrelang. Mer hot denn um zwelfe en Tusch gschpillt und jedes Johr isch mei Herz schwermüetiger worre, wäge dere Grageelete und dem Sekt und dem ganze Bledsinn, während dusse d Glocke glitte hond und die Mei mit de Kinder eilei dohom gsi isch. Eimol im Cafe Graf, do hon i kon Tusch gschpillt, sondern bin hälinge iber d Stroß i d Sakrischtei vu de Pater und Paul Kirch. Do hot mi d Messmere, die lieb, guet Erna, do hot die mi d Glocke läute losse. Do isch mir s Herz offgange, aber de Eugen, de Schef vum Cafe, der hot mi firchtig gschimpft, weil usgrechnet um zwelfe sei Musig it do war und en Tusch gschpillt hot. Er dät mich schließlich it fir’s Glocke läute zahle, sondern fir d Schtimmung i sim Lokal! Do hot er nadierlich Recht ghet, aber im Gefilde der Seligen hot er etz beschtimmt scho lang eigsäeh, dass mei Läute »ad majorem Dei gloriam« wichtiger war, als d Schtimmung i sim Cafe. Seither war i nie meh aSylveschter ime Lokal, des wär fir mi die gröscht Schtrof. Scho lang sind d Kinder ussem Hus und die Mei und i, mir sind wieder elei wie früener am Afang. Dezwische homer scho Sylveschter ghet, wo mer gmont hond, des seied die letschte und do isch denn de Kopf wieder mit ganz andere Gedanke voll. Uf omol bisch ime Alter, wo de Sylveschter als ä Gschenk aaluegesch, weil vill vu dine Freund nume Sylveschter feiere känned. No hock i als mol na und blättere i dem Buech, wo i alle Todesanzeige inekläbt hon, vu dene Leut, wo mir ebbes bedeitet hond. Do kummsch denn aber ersch Recht uf Gedanke, nämlich, dass die alle mol jedes Johr Sylveschter gfeieret hond und am Schluss vu dere Betrachtung bisch froh und dankbar, dass de no debei sei derfsch. Iglaub, dass sottige Gedanke garit so schlecht sind.
Singener Wochenblatt, 1.1.2003,
http://www.wochenblatt.net/wafroe.htm Mir verschlamped d’Schprooch-Kultur Homweh hot mer eigentlich nu, wemer vu dohom furt isch. Die junge Johrgäng mond do lache, wenn se des Wort Homweh höred. Wenn de jung bisch, isch’s vill z’eng dohom. Obwohl mir rings um unser Städtle im Monat so um die 150 und meh Veranschtaltunge hond, isch bi uns »nix los«, und des vor allem deswäge, weil it all Tag a jedem Eck ä Techno-Party schtattfindet. Wenn se denn dusse sind, i de weite Welt und sie kummed so langsam i d’Vierzger Jährle, no kummt so ä Gfihl iber se, wo se manchmol a dohom denked, und des isch de Afang vum Homweh. Mer kriegt au weng Homweh noch de Schproch, noch em heimische Dialekt, und wenn de beispielsweis in Kanada läbsch und selte Deutsch hörsch, no regsch de uf, wenn de des verhunzte Deutsch hörsch, wo all Tag minder wird und vill Leit merkeds it emol. Etz hot mir ä Frau us Kanada usere deutsche Zeitung, wo in Kanada erscheint, ä Gedichtle zuekumme loo. Des hon i uf alemannisch ibersetzt und nu ä ganz klei weng veränderet, damit’s wieder schtimmt. Des sotted alle unsere Dialekt-Freund doch au lese, hon i denkt und hon’s do ufgschriebe: Wie Räge uf die Dächer bieslet, so wirsch uf englisch heit berieslet. / Am Fernsäeh und im Radio, hörsch heit, des macht di gar it froh / vu songs, top-hits fir twens und teens, vu oldies, sounds und evergreens. / Bim power play de keeper halt, de girls und boys die show it gfallt. / Vor allem d’Werbung, die duet’s schätze und meglichscht nu no englisch schwätze / und au mei guete alte Zeitung, tragt fleißig au bei, zur Verbreitung. / Des Anti-Deutsch mit dry und pop, insider, meeting, soft und shop. Mit instant, hi-fi, happy, liner, mit trouble, dressing, look, designer. / De jet-set sich im night-club aalt, und unsereins im Center zahlt. Noch jedem Satz heißt’s heit O.K., des duet om i de Ohre weh. / Ä Musik giits it, des heißt band, my country isch mei Vaterländ. /Im underground de Dealer läbt, de Fixer high uf Wolke schwäbt. / Des moß de Babbe heit verschtoh, wenn d’Mamme will weng shopping go. / Und wenn se hom kummt, schnuft er schwer, ja hosch scho wieder neie hair? / Do aber mont sei Mamme laut, i will hip sei, in it Out! / Und sie mont denn au no cool, black sei nume beautiful. / Wo de na gucksch, goht’s so weiter, mit rap und rave und inline-skater. / Mer kännt jo menkmol scho weng lache, bim Piercing tond se Löchle mache, / a d’Auge, Nase und as Muul, sie findet’s au no wonderful. / De Michael isch heit de Mike, ä Fahrrad etz ä City-bike. / Mit dem fahrt er etz every year, mit seim Baby, that’s my dear, / zum Black-Forest, des isch klar, wa früener mol de Schwarzwald war / und do strampled se sich ab, als ging’s zum Competition-Cup. / Goht’s no weng zue, uf sotte Weise, no schwätzt mer s’Deutsche nu no leise / und s’goht denn sicher nume lang, schwätzt alles nu no Ami-slang. / Des dät, des sott mer mol kapiere, de Franzose nie passiere. Au in England, gucked nooch, pfleged se mit Sorgfalt d’Schprooch. / In Sache Schprooch sind and’re schtur, nu mir verschlamped d’Schprooch-Kultur! 21.10.1998, Walter Fröhlich, www.wochenblatt.net/wafroe.htm
Internet-Haumpeitsch-Dauntschauns-Daxzügs Unsereins frogt sich alleweil mol wieder, ob des s Alter isch, dass om immer wieder ebbes uf d Nerve gange isch. Die Alte wared scho immer meh empfindlich als die Junge, des war alleweil so. Nu mon i halt, dass mir etz grad inere Zeit läbed, wo en Hufe durenand grotet, wa zu de Zeit, wo mir no jung wared, no imLot gsi isch. Wenigschtens bilded mir uns des ei. S isch aber genau betrachtet ko Eibildung, denn die rasante Entwicklung, beischpielsweis vu de Technik, die hot mengs dure-nand brocht, sodass unsereins eifach nime mitkunnt. Wenn zum Beischpiel mei Zeitung all Tag ä ganze Seite druckt under dem geheimnisvolle Titel »Click«, no frog i mi alleweil, wa denn des heiße soll, des »Click«. Irgend ebber hot mer denn erklärt, das dodemit de »Mausclick« gmont sei. Des isch des leise Click, wa mer garit hört, sondern nu sieht, wemmer mit dere Maus rumgfahre isch bis dert ane, wo se halte sott, und denn druckt mer sachte uf die Maus und des macht denn klick. Etz wäred wieder manche sage, etz simer so gschied wie vorher, also moß mer des weng ver-klick-ere. Hüt isch ä Maus, alemannisch »Mus«, nume des wa früener ä Mus gsi isch. Äbe des isch des, wa die Revoluzion usmacht, i die wo mir etz grad inegrote sind. Hüt isch ä Maus, also ä Mus, des kläne, ovale Ding, wo mitere elektrische Schnur mitem Compjuter verbunde isch. Wemer mit dere Mus weng ufem Tisch umefahrt, no fahrt uf dem Bildschirm ä Zeigerle au umenand, bis dert ane, wo mer ane will. Hot mer die Schtell gfunde, no druckt mer des Müsle weng uf de Buckel, no mcht’s klick und noch dem Click erscheint ufem Bildschirm des, wamer mit dere Mus gsuecht hot. Wenn’s aber klick macht und mer ko Glick hot, no kunnt ebbes anders, no fangt mer wieder vu vorne a. Des Click aber i de Zeitung soll wahrscheinlich bedeite, dass es bi uns im Kopf klick mache sott, wemer des liest, wa uf dere Siite schtoht. S isch ä völlig neue Sproch, die Compjuterschproch, und die blede Wörter mit dem Internet-Deutsch und dem blede www.schiessdreck.de gond so Lüt wie mir firchtig uf d Nerve und i behaupt alleweil no, dass des nint mit em Alter ztued hot, sondern mit dem »Paradigmewechsel« wie se etz grad dezue saged, wenn se weltweit ebbes Neu’s eiführed, wie zum Beischpiel, dass se i de Nochrichte im Radio und im Fernsäeh alle furzlang vu dem »Dax« schwätzed, wo der schtoht und wie der schtoht, als ob unsereins des intressiere dät. Des isch doch ebbes fir selle, wo scho am früehne Morge die Siite mit dene Börsekurs schtudiered. Im Psalm 1 schtoht aber deitlich, »Wohl dem Maa, wo Luscht hot am Gsetz vum Herrgott und do driber nochdenkt, bei Tag und Nacht!« Vu de Börsekurs schtoht nint i de Bibel, aber des Wort Bibel isch de meischte sowieso scheißegal, weil se Babel besser verschtond und mit ihrne Akzie a dem Turm baued, bis des Glump wieder zämmekeit. Mer ka aber nint dra mache, nu sott mer ufpasse, dass alles des, wa om so uf d Nerve goht, dass des om weniger uf d Nerve goht, weil all’s, wa om uf d Nerve goht, nu am End s Läbe it verlängeret, sondern verkürzt und me will doch no weng wiiterläbe. Weil mer doch zu gern säne will, wo des anefihrt, mit dem www.Mausclick.de und dem Internet-Haumpeitsch-Dauntschauns-Daxzügs. Menkmol hon i so s Gfiihl, als ob des selle uf d Nerve goht, wo mit dene Sache umgond und des freit mi denn hälinge, wenn i sieh, dass die d Nerve verliered und it i. Walter Fröhlich, 2.10.2002, www.wochenblatt.net/wafroe.htm
Us chleine Dinge - Gerhard Jung
Andersch schwätzt men anderwyttig Stoß der Chopf ämol dur s’ Gätter d’Muedersprooch, en Aechte lehrt sie.
lles, was zum erschte Mol gmacht wird, zu dem saged se, des sei ä Premiere. Des derf mer it »Premiire« lese, sondern «Premiäre«, weil’s suscht falsch wär und weil des Premiäre us em Französische kunnt. Drum isch Premiäre äbe au ko alemannischs Wort, aber mir Alemanne hond jo vill Wörter, wo ussem Französische kummed, wo mir i unsere Mundart integriret hond. Und anschtatt integriert, sott mer au besser sage »inegnumme«, weil sell integriere ussem Lateinische kunnt und so lateinische Wörter saged nu die Gebildete und die Gebildete schwätzed it alemannisch. »Intrigiere«, sell isch scho ehnder i de Mundart bekannt, weil des au under de Alemanne gern und vill gmacht wird und des bedeitet, hinderlischtig enand verseckle. Mer kännt au sage, bös oder wüescht hinderum iber enand schwätze. Drum war sich scho de heilige Jakobus i sim Brief driber klar, dass d’Schnorre halte iber andere on vu de wichtigschte Beschtandteil vume Chrischt sei. Etz bin i wieder mol total devu abkumme, wan’i hon sage welle, weil i’s doch vu de Premiäre ghet hon und so ä Premiäre hot neilich grad bi mir schtattgfunde. Weil unsere liebe Freundin Sigrun it will, dass i am End verhungere, während die Mei im Krankehaus isch, leet se mir all wieder mol weng ebbes uf unser Balkönle hinder em Hus. Weil i etz grad aber selte dohom bin, ka i die guete Sächele meischtens it glei esse und tue se is Gfrierfach vum Küehlschrank. Do sind ez zwei Porzione Fleischkäs und zwei gräuchte Brotwürscht friedlich beinander gläge, bis i de Muet ghet hon, zum die Premiere schtarte und ä Brotwurscht und ä Schiibe Fleischkäs i de Pfanne brote. Mer moß nadierlich wisse, dass i so ebbes no nie im Läbe gmacht hon, drum war’s fir mi äbe au die Premiäre. Etz war grad wieder mol so en liebe Mensch am Telefon und do hon i glei gfrogt, wie mer des macht. I soll weng Biskin ine Pfännle tue, aber s wär besser, wenn i die Sache vorher uftaue dät, weil se suscht so schpritzed, wemer se ase gfrore i die heiß Pfanne duet. Denn soll i des Biskin wengle heiß mache, aber it eso jesesmäßig. No hon i z’ruckgfrogt, also Paulusmäßig, denn hot mei lieb’s Gegenüber glachet und gmont, des wüßt sie it, wie heiß »Paulusmäßig« sei, halt it eso heiß, dass es raucht id e Kuche und i de Herd mitsamt mim Fleischkäs nume sieh. Rumdrille soll i die Wurscht und s’ander, damit’s it a-hocket und mer mößt do ä bitzele mit em Gfiihl a die Sach goh. So hon is au gmacht und bin mit em Gfiihl a die Brotwurscht und a de Fleischkäs gange. S hot scho weng gschpritzt und i hon hinderher fescht butze möße, bis alle die Fettschpritzerle wieder weg wared, aber s’hot saumäßig guet gschmeckt. De Fleischkäs war unde bitzele arg schwarz und d’Brotwurscht inne no wengele roh. Des sind aber Erfahrungswerte und wemer des zeh Mol gmacht hot, no bassiert om des nume. S Schwarzbrot war arg verschimmlet und de Rescht Weißbrot isch under mim Sägemesser i taused Teil usenandkeit, aber des hot minere Premiärfeschtschtimmung kon Abbruch tue. I wart etz scho uf die Glägeheit, won’i wieder s’Gfrierfach offmache, min Kucheschurz azieh und ä bitzele Biskin is Pfännle tue ka. Denn de Gasherd a, aber luege, dass des Bitzele it »jesesmäßig« heiß wird, hekschtens »Paulusmäßig!« 9.1.2002, www.wochenblatt.net/wafroe.htm Wenn i en Wälder schwätze hör, S isch wie wo d Muettter als am Bett Wenn i en Wälder schwätze hör
Es geht eine dunkle Wolk herein D’Gränz, die chasch vergässe Vor de staatliche Landesschutzmuure
glatzchöpfig
d’chille dief-grüene noch fierobe: rasemaiher früeh-pupertäri d’ büürin suscht ischs d’ sunn goht vorusse Quelle: http://home.ph-freiburg.de/jaeger/Dialekt/material.htm#Jung1
Schwarzwaldadler - Karl-Heinz
Schaub 
Immer wenn »die Mei« bim z'Mittagesse so ganz näbeher die Bemerkung macht, »du mit dem Hahne am Schittschtei schtimmt au ebbes nime«, denn bedeitet des fir mi, dass i nochem Esse in Käer abe moß und mei Kombizange us de Werkzeigkischte ufehole. Denn isch nämlich fascht alleweil des Schläuchle am Wasserhahne am hii go, oder bereits scho verreckt. Handwerklich begabt, wie unsereiner isch, schraub i denn mit minere Kombizange des Schläuchle weg und hol ä neu's im OBI. So en OBI isch en riesige Supermarkt fir Leut, mit sonere handwerkliche Begabung. Mit däm, wa mer i some OBI kaufe ka, kännt mer ä Haus baue, vum Kär bis i de Schpeicher und d'Eirichtung kännt mer au mache, vum Dabeziere, ibers Elektrisch bis zum Schlofzimmer und de Kuche. Leut, wo all's selber mache känned, hond früehner den Wahlschpruch ghet, »die Axt im Haus erschpart die Scheidung«. Schpäter isch der englische Slogan ufkumme, »Do it yourself«, was uf guet alemannisch ibersetzt nix anders heißt, als »mach dei Glump selber!« Also bruch i au kon Flaschner, wo mir des Schläuchle anemacht. Den bruch i hekschtens, wenn i des Gwind am Hahne vermurks, oder am End de Hahne abbrich. So ebbes kummt bi mir aber nu ganz selte vor. Etz schtand i denn i dem OBI, des heißt i lauf i dem riesige OBI umenand und suech mei Schläuchle fir de Hahne iberm Schittschtei. Große Schilder zeiged om, wo mer wa findet, wemer's suecht. Froge ka mer ganz selte, denn uf fimfhundert Kunde kummt im hekschte Fall on Verkäufer und der isch meischtens grad ine Fachgschpräch verwicklet, weil en Kunde, wo sinere Frau de Nachttisch frisch lackiere sott, weil der it genau woss, waner fir ä Grundierung verwende moß. Riesegroß und schier allmächtig isch die Versuchung fir en Ma wie mich, mit sonere handwerkliche Begabung, wenner die wahnsinnig viele technische Neuerunge sieht, wo's bi däne Werkzeig giit. Obi it doch den neie Schraubezieher mitnäeh sott, womer sogar ums Eck schraube ka? Obi it doch sott den Eisatz i mei Schlagbohrmaschi mitnäeh, mit dem wo mer etz au no vu hinde bohre ka, wemer vu vorne kunnt, oder vu vorne bohre ka, wemer vu hinde kunnt, oder sogar dert bohre ka, womer vu hinde it und vu vorne glei garit ane kunnt? I hon scho zwei Päckle Fräser i mim Eikaufskörble, obwohl i no nie im Läbe ebbes zum Fräse ghet hon, aber der Vorführ-Video-Film war so saumäßig intressant, dass i mir des Päckle mit däne Fräserle kauft hon. Ä Schlauchgarnitur miteme Hochdruckreiniger fir alle Abflüss, mit allene Anschlussmöglichkeite hon i au scho mitgnumme und en Gwindschneiderkopf, wo mer anere Vertikal-Bohrvorrichtung amondiere ka, isch au scho i mim Korb, obwohl i bis etz ko Vorrichtung zum Vertikalbohre hon. Z'letscht honi sogar die Schläuchle fir min Wasserhahne am Schittschtei gfunde und glei zwei mitgnumme. Denn war a de Kass ä Schlange vu Leit, wo riesige Einkaufswäge voller Zügs ufglade hond und i hon nu denkt, »wa kaufed au d'Leit fir en Hufe Scheiss zämme, ka'me au so bled sei?« Ufs mol hon i schnell i min Korb glueget, no isch mer schlagartig eigfalle, dass i genauso bled bin wie andere au. S'hot sich wieder mol die alt Weisheit beschtätiget: »Du sollsch deinen Nächsten it fir bleder halte, als du selber bisch!« Mittwoch, 19. Januar 2000, www.wochenblatt.net/wafroe.htm
Wo sell
Milchlädele gsi ischt
Millenium
Bund-Freiburg -
Texte, Gedichte, Regionalkultur BZ-Serie Mundart
2000 und 2001 von Friedel Scheer-Nahor Im Folgenden können die erschienenen Artikel nachgelesen werden.
Lueginsland - sehr schöne BZ-Rubrik
Fasnachts-Sprüche
Witze Walter Fröhlichs Betrachtige im Singener Wucheblatt
© by freiburg-schwarzwald.de, www.frsw.de, Kontakt, Update 28.02.05 |
